Yevropaning beshta top ligasi transfer oynasi yopilish vaqtini muvofiqlashtirishga kelishdi

Yevropaning beshta yetakchi ligasi — Premier Liga, LaLiga, Seriya A, Bundesliga va Ligue 1 transfer oynasini Yevropa vaqti bilan soat 20:00 da yopishga kelishib oldi.

Shu yili yozda FIFA Klublar o’rtasidagi jahon chempionatiga tayyorgarlik bilan bog’liq ikkita maxsus transfer oynasi bo’ladi. Birinchi oyna 1-10 iyun oralig’ida, ikkinchi oyna esa 1 sentyabrda yopiladi.

Ilgari har bir liganing turli yopilish vaqtlari mavjud edi:

• Bundesliga – Britaniya vaqti bilan 17:00
• A Seriyasi – Britaniya vaqti bilan 19:00
• Ligue 1 – Britaniya vaqti bilan 22:00
• Premier Liga – Britaniya vaqti bilan 23:00
• LaLiga – Britaniya vaqti bilan 23:59

Vaqtning standartlashtirilishi klublarga transfer jarayonlarini samaraliroq amalga oshirish imkonini beradi. Jumladan, muddatdan ikki soat oldin kelishuv varaqasini topshirish va undan keyin ikki soat ichida hujjatlarni yakunlash mumkin.