Wrexham FC Uels milliy guliga bag’ishlangan yangi safar formasini taqdim etdi

Ryan Reynolds va Rob McElhenneyning Wrexham FC klubi 2025-26 mavsum uchun Uelsning milliy faxr ramzi bo’lgan nargis gulidan ilhomlangan yangi safar formasini taqdim etdi.

Ketma-ket uch marta yuqori ligaga ko’tarilgandan so’ng, Wrexham 44 yillik tanaffusdan keyin Chempionship — Angliyaning ikkinchi darajali ligasidagi birinchi mavsumiga tayyorgarlik ko’rmoqda. Yangi forma 1980-yillarni eslatuvchi yorqin sariq-yashil rangda, polo yoqasi va nozik chiziqlar bilan bezatilgan.

Safar formasining o’ziga xos jihati — yoqaning ichki qismida Uels milliy madhiyasi “Hen Wlad Fy Nhadau/Land of My Fathers” ikki tilda yozilgan.

Phil Parkinson boshchiligidagi jamoa hozirda Avstraliya va Yangi Zelandiyada mavsumoldi turini o’tkazmoqda. Melbourne Victory ustidan 3:0 hisobida g’alaba qozongandan so’ng, Wrexham Allianz stadionida Sydney FC ga 2:1 hisobida mag’lub bo’ldi.