Volves Fluminensedan Jon Ariasni €22 millionlik transferga kelishdi

ESPN manbalariga ko’ra, Volverhampton Uonderers Fluminense bilan Jon Ariasni transfer qilish bo’yicha kelishuvga erishdi — kolumbiyalik milliy terma jamoasi qanotchisi egalik huquqlarining 90 foizi uchun €22 million evaziga sotib olinadi.

Fluminense 27 yoshli futbolchining kelajakdagi transferlaridan 10 foizni saqlab qoladi — shuningdek, agar futbolchi Braziliyaga qaytishni xohlasa, imtiyozli huquqqa ega bo’ladi.

To’rt yil oldin Fluminensega o’tgan Arias ajoyib natijalarga erishdi — 229 o’yinda 47 gol va 55 assist qayd etdi. Qanotchi o’tgan yili Kopa Libertadoresni qo’lga kiritgan jamoaning muhim a’zosi bo’lgan.

Ariasning Fluminense safidagi so’nggi o’yini bugun Marakana stadionida Kruzeyro bilan bo’lib o’tishi kutilmoqda.