Volfsburg – Maynts: Bundesliga bashorati (31.08.2025)

31-avgust, yakshanba kuni, Toshkent vaqti bilan 18:30 da Bundesliganing 2-tur uchrashuvi bo‘lib o‘tadi. Unda “Volfsburg” o‘z maydonida “Maynts”ni qabul qiladi. Bukmekerlar mezbonlarga biroz ustunlik bermoqda, ammo raqiblar kuch jihatidan deyarli teng ko‘rinadi. Keling, jamoalarning hozirgi formasini ko‘rib chiqamiz va bashorat beramiz.

Volfsburg

O‘tgan mavsum “bo‘rilar” uchun muvaffaqiyatsiz o‘tdi. Jamoa o‘rtamiyona o‘yin ko‘rsatib, na Yevrokuboklar zonasiga yaqinlashdi, na tushib ketish xavfiga duch keldi. Ayniqsa, bahor oylaridagi seriyasiz o‘yinlar sababli yozda murabbiy almashtirildi. Endilikda jamoani niderlandiyalik Pol Simons boshqarmoqda.

Uning qo‘l ostidagi tayyorgarlik o‘yinlari unchalik yaxshi o‘tmadi — 5 uchrashuvning 4 tasida mag‘lubiyat. Ammo rasmiy start yaxshi boshlandi: Germaniya Kubogida 9:0 hisobida g‘alaba va Bundesliganing birinchi turida “Xaydenxaym” ustidan 3:1 hisobida safar g‘alabasi.

Maynts

Bo Henriksen bosh murabbiy etib tayinlangandan so‘ng, jamoa 2016/17 yildan buyon ilk bor Yevrokuboklarga yo‘llanma oldi. Asosiy e’tibor himoyaga qaratildi: o‘tgan mavsum “Maynts” Bundesligada eng kam gol o‘tkazib yuborgan uch jamoadan biri bo‘ldi (43 ta). Yozgi tayyorgarlikda ham 5 o‘yinda atigi 4 ta gol o‘tkazib, 4 ta g‘alaba qozonishdi.

Ammo yangi mavsum kutilganidek bosh­lanmadi. Avvaliga Germaniya Kubogida kuchsiz raqibni zo‘rg‘a mag‘lub etishdi, so‘ng Yevrokonferensiya Ligasi saralashida “Rozenborg”dan yutqazishdi. Bundesligada esa birinchi turda “Kyoln”dan 0:1 hisobida mag‘lubiyat. Bundan tashqari, “Rozenborg”ga qarshi javob o‘yini jamoani charchatdi.

O‘zaro o‘yinlar statistikasi

So‘nggi 5 uchrashuvda “Volfsburg” 2 ta g‘alaba qozongan, “Maynts” 1 marta ustun kelgan, yana 2 o‘yin durang bilan yakunlangan. 5 uchrashuvning 4 tasida 2.5 tadan ko‘p gol urilgan.

Bashorat

“Volfsburg” mavsumni ishonchli boshladi, “Maynts” esa og‘ir taqvimdan keyin saf tortadi. Shunga qaramay, mehmonlar ham mustahkam himoyasi bilan qarshilik ko‘rsatishi mumkin. Oxirgi o‘zaro o‘yinlar statistikasi asosida eng yaxshi variant — jami gollar 2.5 tadan ko‘p — koeffitsient 1.76.