Thomas Partey beshta zo’rlash va jinsiy tajovuz ayblovi bilan yuzlashmoqda

London Metropolitan politsiyasi Thomas Parteyga qarshi oltita jiddiy ayb qo’yilganini e’lon qildi — beshta zo’rlash va bitta jinsiy tajovuz ayblovi.

Politsiya ma’lumotiga ko’ra, da’vo qilingan jinoyatlar 2021 va 2022-yillar orasida sodir etilgan — uchta turli ayolga nisbatan, birinchi ayolga nisbatan ikkita zo’rlash, ikkinchi ayolga nisbatan uchta zo’rlash va uchinchi ayolga nisbatan bitta jinsiy tajovuz ayblovi bilan.

32 yoshli yarim himoyachi — Arsenaldagi shartnomasi tugagandan so’ng erkin agent bo’lib qolgan — 5-avgust kuni Westminster magistratlar sudida hozir bo’lishi rejalashtirilgan.

“Bizning ustuvor vazifamiz murojaat qilgan ayollarga yordam ko’rsatishdir,” dedi tergov ishlariga rahbarlik qilayotgan detektiv superintendent Endi Ferfi.

“Dalillar faylini sinchkovlik bilan ko’rib chiqqandan so’ng, biz Thomas Parteyga nisbatan bir nechta zo’rlash ayblovi bo’yicha sud jarayonini tasdiqlashga qaror qildik,” dedi CPS London shimoliy qismining bosh prokurori Jasvant Narval.

Gana terma jamoasi a’zosi o’tgan mavsumda Premier-ligada 35 ta o’yin o’tkazib, to’rtta gol urdi va Arsenal ikkinchi o’rinni egalladi.