Soboslai super goli bilan Liverpulga g’alaba olib keldi

Premer-liga 3-turining markaziy o‘yinida “Liverpul” “Enfild”da “Arsenal“ni 1:0 hisobida mag‘lub etib, mavsumni mukammal boshlashni davom ettirdi. Yagona va g‘alaba keltirgan golni 83-daqiqada Dominik Soboshlai kiritdi. U taxminan 25 metr masofadan jarima zarbasini ajoyib tarzda aylantirdi – zarba shunchalik aniq bo‘ldiki, to‘p ustunga tegib, darvozaga kirib ketdi va mehmonlar darvozaboniga hech qanday imkoniyat qoldirmadi.

Bu paytgacha “Liverpul” ustunlikka ega bo‘lib, xavfli vaziyatlar yaratgan, ammo ularni amalga oshira olmagan edi. Hatto bir gol VAR tizimi tomonidan bekor qilindi – to‘p darvozaga kirishidan oldin Kodi Gakpo ofsaydda qolgan edi. Shunday bo‘lsa-da, Arne Slot jamoasi sur’atni pasaytirmadi va Soboshlayning ajoyib zarbasi uch ochko keltirdi.

Ushbu g‘alaba “Liverpul” uchun mavsum boshidan buyon ketma-ket uchinchi g‘alaba bo‘lib, jamoani turnir jadvalida peshqadamlikka olib chiqdi. “Arsenal” uchun esa bu mag‘lubiyat chempionatdagi birinchisi bo‘ldi: Mikel Arteta jamoasi to‘pga ko‘p egalik qildi va bosim o‘tkazishga urindi, ammo baribir mezbonlar himoyasini yorib o‘ta olmadi.

Endi “Liverpul” a’lo kayfiyat va peshqadamlik bilan keyingi turga yo‘l oladi, “Arsenal” esa mavsumdagi ilk muvaffaqiyatsiz natijadan so‘ng o‘zini o‘nglab olishga harakat qiladi.