Rossiyalik tennischilar US Open turnirini g‘alaba bilan boshlaydi: Rublev, Xachanov va Andreyeva ikkinchi bosqichga o‘tishdi

Nyu-York, 2025-yil 26-avgust – AQSH ochiq chempionatining birinchi bosqichi rossiyalik tennischilarga ishonchli g‘alabalar seriyasini keltirdi. Andrey Rublev, Karen Xachanov va yosh Mirra Andreyeva yuqori darajadagi o‘yin namoyish etib, jiddiy qiyinchiliklarsiz turnirning ikkinchi etapiga yo‘l olishdi.

Andrey Rublev – barqarorlik va nazorat

Andrey Rublev xorvatiyalik Dino Prizmichga qarshi o‘yinning boshidanoq keyingi bosqichga tezroq chiqishga intilayotganini ko‘rsatdi. Yakuniy hisob – 6-4, 6-4, 6-4 rossiyalikning to‘liq ustunligini aks ettiradi. Uchala setda ham u to‘p uzatishni nazorat qildi va raqib hujumlarini ishonchli tarzda qaytardi.

Rublevning ikkinchi davradagi raqibi Amerikalik Tristan Boyer bo’ladi!

Karen Xachanov – tay-breykdan so‘ng kambek

Karen Xachanov amerikalik Nishesh Basavareddiga qarshi uchrashuvni yaxshi boshlay olmadi va tay-breykda birinchi setni boy berdi – 6:7 (5). Biroq ikkinchi setdayoq rossiyalik hujumkorligini oshirdi, to‘p uzatishini yaxshiladi va keyingi uchta setda g‘alaba qozondi – 6:3, 7:5, 6:1. Bu o‘yin xarakter uchun yaxshi sinov bo‘ldi va Xachanov o‘yin davomida o‘z taktikasini o‘zgartirishga qodir ekanligini isbotladi.

Karen ikkinchi davrada Polshalik Kamil Mayxshakga qarshi kortga chiqadi!

Mirra Andreyeva – raqibini toptab tashlagan yosh yulduz

Jahon reytingida 5-o‘rinni egallab turgan 17 yoshli Mirra Andreyeva musobaqaning ilk o‘yinini g‘oyat ishonchli tarzda o‘tkazdi. U 6:0, 6:1 hisobida amerikalik Alisiya Parksni mag‘lub etdi va butun o‘yin davomida raqibiga atigi bitta geymnigina berdi. Mirra har bir turnirda reytingdagi yuqori o‘rni tasodif emas, balki yosh bo‘lishiga qaramay, barqaror va yetuk o‘yin natijasi ekanligini isbotlamoqda.

Keyingi davrada Mirra o’zining hamyurti Anastasia Potapovaga qarshi kortga chiqadi!