Rodrigo De Paul Messining qo’riqchisi sifatida Inter Mayamiga o’tmoqda

Fabrizio Romanoning ma’lum qilishicha, Rodrigo De Paul Argentina milliy terma jamoasidagi hamkasbi Lionel Messi o’ynayotgan Inter Mayamiga o’tish arafasida turibdi.

31 yoshli yarim himoyachi Atletiko Madridni 15 million yevro evaziga tark etadi. De Paul — Argentina milliy terma jamoasida Messining sodiq qo’riqchisi sifatida tanilgan va 2029-yil iyungacha to’rt yillik shartnoma imzolaydi.

“Here we go! Barcha tomonlar bilan og’zaki kelishuv mavjud,” deb yozdi Romano o’zining rasmiy X sahifasida.

Inter Mayami futbolchisi sifatida rasman e’lon qilinishidan oldin, De Paul tibbiy ko’rikdan o’tishi va yaqin kelajakda turli ma’muriy hujjatlarni yakunlashi kerak.