RB Leipzig Xavi Simonsning narxini tushirdi, Chelsi harakatga tayyor

Voetbal International xabar berishicha, RB Leyptsigning iqtidorli yosh yarim himoyachisi Xavi Simons yozgi transfer oynasida Chelsining asosiy nishoniga aylandi.

“Koʻklar” gollandiyalik futbolchi vakillari bilan aloqa oʻrnatdi — shartnoma tafsilotlari va shartlari boʻyicha dastlabki muzokaralar boshlandi.

Dastlab 70 million yevro (taxminan 800 milliard soʻm) miqdorida transfer bandini belgilagan RB Leyptsig endi pastroq narx boʻyicha muzokara qilishga tayyor — bu 2025-yil Klublar jahon chempioni uchun qulay imkoniyat.

Barselona akademiyasi bitiruvchisi Stemford Brijga oʻtishdan manfaatdor ekanligi xabar qilinmoqda — bu Chelsiga uning xizmatlarini yanada arzonroq narxda olish uchun katta imkoniyat yaratmoqda.