Millatlar ligasi yarimfinali oldidan Nagelsmann Ronaldundan xavotirda

Myunxendagi Allianz Arenada bo’lib o’tadigan UEFA millatlar ligasi yarimfinali oldidan Germaniya milliy terma jamoasi bosh murabbiyi Yulian Nagelsmann 40 yoshli Krishtianu Ronaldo hamon xavfli ekanligini ta’kidladi.

Germaniya va Portugaliya o’rtasidagi o’yin payshanba tongda bo’lib o’tadi — Ronaldu turnir davomida 6 ta gol urib, ajoyib natija ko’rsatgani uchun asosiy tarkibda maydonga tushishi kutilmoqda.

Al-Nasr hujumchisi bu mavsumda o’z o’tkirligini quyidagi ko’rsatkichlar bilan isbotladi:

• Barcha musobaqalarda 35 gol
• Saudiya Pro-ligasida 25 gol
• Saudiya Pro-ligasining ketma-ket ikki mavsumda eng yaxshi to’purari

“Ronaldu bizni ehtiyot bo’lishimiz kerak bo’lgan jiddiy tahdid bo’lib qolmoqda,” dedi Nagelsmann millatlar ligasi yarimfinali oldidan.