Milan Nkunkuning Chelsidan transferini e’lon qildi, shartnoma 2030 yilgacha amal qiladi

“Milan” rasmiy saytida “Chelsi”dan hujumkor yarim himoyachi Kristofer Nkunku transferi haqida e’lon qildi. Fransiyalik futbolchi bilan shartnoma 2030-yilning 30-iyuniga qadar amal qiladi. U Italiya grandi safida 18-raqam ostida to‘p suradi.

Jurnalist Ben Jeykobsning yozishicha, “rossonerilar” 27 yoshli futbolchining transferi uchun belgilangan miqdor sifatida 35 million yevro to‘lagan va yana 5 million yevro bonus sifatida to‘lashi mumkin.

Nkunku 2023 yilning yozidan buyon “Chelsi”da o’ynadi. Bu davrda yarim himoyachi barcha turnirlarda 62ta o’yinda qatnashib, 18ta gol urdi va 5ta golli uzatmani amalga oshirdi. Transfermarkt portalida keltirilgan ma’lumotlarga ko’ra, futbolchining bozor qiymati 35 million yevroni tashkil qiladi.