Messi yorqin o’yin ko’rsatdi, Inter Mayami Kolambus ustidan 5:1 hisobida g’alaba qozondi

Lionel Messi Major League Soccer o’yinida ikki gol va uch assist bilan ajoyib o’yin ko’rsatib, Inter Mayamining Kolambus Kriyu ustidan 5:1 hisobidagi ishonchli g’alabasini ta’minladi.

Argentina yulduzi Mayamining barcha gollarida ishtirok etdi — 15 va 24-daqiqalarda gol urdi hamda Tadeo Allende, Luis Suarez va Fafà Picaultga assist berdi. Bu natija Messini ligada eng ko’p gollarda ishtirok etgan o’yinchiga aylantirdi.

Tadeo Allende Messining uzun pasi bilan Mayamining hisobini ochdi, keyin Argentina terma jamoasi kapitani ikkita gol urdi — bittasiga Serxio Buskets assist qildi. Kolambus faqat Sezar Ruvalkabaning goli bilan javob qaytardi, so’ng Suarez va Pisaul Mayamining gollari bayramini yakunladi.

Bu g’alaba Mayami uchun Al-Ahlyga qarshi klublar o’rtasida o’tadigan jahon chempionati o’yini oldidan, Messi esa Argentina terma jamoasi safida Chili va Kolumbiyaga qarshi Jahon chempionati saralash o’yinlari oldidan muhim ahamiyatga ega bo’ldi.