Meksika AQShni yengib, 10-marta Oltin Kubokni qo’lga kiritdi

Edson Álvarez Hyustondagi NRG stadionida o’tkazilgan Oltin Kubok finalida AQShga qarshi 2:1 hisobidagi g’alabani ta’minlab, Meksikaning qahramoniga aylandi.

Chris Richards to’rtinchi daqiqada darvoza chizig’ini kesib o’tgan bosh zarba bilan AQShni hisobda oldinga olib chiqdi. Biroq, Raúl Jiménez birinchi taym yakuniga qadar darvozabon Matthew Freese yeta olmagan aniq zarba bilan hisobni tenglashtirishga erishdi.

Gol urganidan so’ng, Jiménez bir necha kun oldin avtohalokatda vafot etgan sobiq “Vulverhempton” jamoasidagi hamkasbi Diogo Jotani xotirladi.

Alvarez jarima maydonidan bosh zarbasi bilan Meksika g’alabasini ta’minladi. Dastlab offsayd tufayli bekor qilingan gol VAR ko’rigidan so’ng hisobga olindi.

Mauricio Pochettinoning jarohatlar va klub majburiyatlari tufayli bir necha asosiy o’yinchilarsiz o’ynagan jamoasi ikkinchi o’rin bilan kifoyalanishga majbur bo’ldi. Bu ikki jamoa uchun kelasi yilgi Jahon chempionatini birgalikda o’tkazishdan oldingi so’nggi rasmiy o’yin bo’ldi.