Mbappe PSJning Chempionlar Ligasidagi g’alabasidan mamnunligini bildirdi

Kilian Mbappe o’zining sobiq klubi Pari Sen-Jermen Chempionlar Ligasini birinchi marta yutganidan xursand ekanligini bildirdi. Bu yutuq Inter Milanga qarshi 5:0 hisobidagi ishonchli g’alaba bilan qo’lga kiritildi.

Bir yil oldin murakkab vaziyatda PSJni tark etganiga qaramay, 26 yoshli hujumchi sobiq jamoasi unvonga munosib ekanligini tan oldi.

“Men xursandman, ular bunga loyiq edilar. Ular ko’p muammolarni boshdan kechirdilar, men ham shunday qiyinchiliklarni boshdan kechirganman. Men Chempionlar Ligasining g’alabadan tashqari barcha bosqichlarini bosib o’tganman,” dedi Mbappe.

Real Madridga o’tganidan so’ng, Mbappe yangi qiyinchiliklarga duch keldi — uning jamoasi bu mavsumda yirik sovrinlarni qo’lga kirita olmadi, LaLiga va Qirol kubogida ikkinchi o’rinni egalladi.

“PSJ Chempionlar Ligasini mensiz yutdi, bu menga ta’sir qilmaydi. Mening tarixim tugagan edi, u tugashi kerak edi. Hech qanday achchiq his-tuyg’ular yo’q, men chegaramga yetgan edim,” deya qo’shimcha qildi u.

“Oltin To’p” masalasida esa, Mbappe Usmon Dembeleni qo’llab-quvvatlashini bildirdi — u bu mavsumda 33 gol va 15 ta gol uzatmasi bilan PSJning uchtan unvom yutishiga hissa qo’shdi.