Manchester Yunayted APLning 2-turida Fulxem ustidan g’alabani qo’ldan boy berdi

“Fulxem” va “Manchester Yunayted” jamoalari to‘qnash kelgan Angliya premer-ligasining 2-tur uchrashuvi yakuniga yetdi. Jamoalar Londondagi (Angliya) “Kreyven Kottej” stadionida o‘ynashdi. Uchrashuvni Kris Kavana (Lankashir) boshchiligidagi hakamlar brigadasi boshqarib bordi. Boshlanish hushtagi Toshkent vaqti bilan 18:30 da yangradi. O’yin durang bilan yakunlandi – 1:1.
38-daqiqada “Manchester Yunayted” yarim himoyachisi Bruno Fernandes penaltini aniq amalga oshira olmadi. Uchrashuvdagi birinchi gol 58-daqiqada kiritildi. Mezbonlar hujumchisi Rodrigo Muniz to’pni o’z darvozasiga yo’lladi. 73-daqiqada “Fulxem” yarim himoyachisi Emil Smit Rou javob golini kiritdi.

Bu o‘yindan keyin “Manchester Yunayted” hisobida bir ochko bor. Chempionatning navbatdagi turida “qizil iblislar” “Byornli” bilan o‘ynaydi. “Fulxem” ikki uchrashuvdan keyin ikkita ochkoga ega. 3-turda “Kottejers” “Chelsi” bilan uchrashadi.