Manchester Yunayted AQSh mavsumoldi turidan to’rt o’yinchini chetlatdi

ESPN xabar berishicha, Manchester Yunayted kelgusi hafta bo’lib o’tadigan AQSh mavsumoldi turidan to’rt o’yinchini — Alexandro Garnacho, Antony, Tyrell Malasia va Jadon Sanchoni chetlatish to’g’risida qat’iy qaror qabul qildi.

Hozirda Karringtonda asosiy jamoadan alohida mashg’ulot o’tayotgan to’rtlik yozgi transfer ro’yxatiga kiritilgan. Bu qaror bosh murabbiy Ruben Amorimning rejalariga to’g’ri kelmaydigan o’yinchilarni jamoadan chetlatish bo’yicha qarorini qo’llab-quvvatlashni anglatadi.

Yunayted transfer oynasi yopilishidan oldin ushbu o’yinchilarni past narxlarda sotishga tayyor. Antony Real Betis va Atletiko Madrid bilan bog’lanmoqda, yanvarda 70 million funt sterling baholangan Garnachoni esa endi taxminan 40 million funtga olish mumkin.

Shu bilan birga, Markus Rashford bir mavsumlik ijara shartnomasini yakunlash uchun Barselonaga yetib keldi. Kataloniya klubi uning barcha maoshini to’laydi va kelasi mavsumda 30 million yevroga doimiy transfer qilish imkoniyatiga ega bo’ladi.