Manchester Siti Rayan Cherkini Liondan transfer qilishga tayyor

ESPN manbalariga ko’ra, Rayan Cherki Manchester Sitiga bonus bilan birga 40 million yevro evaziga o’tish arafasida. 21 yoshli futbolchi — yaqinda Fransiya terma jamoasi safida Ispaniyaga qarshi debyut qilib, yaxshi taassurot qoldirgan va inglizlar bilan besh yillik shartnoma imzolaydi.

Tibbiy ko’rik seshanba kuniga rejalashtirilgan bo’lib, Cherki FIFA Klublar jahon chempionati oldidan Pep Gvardiola jamoasiga qo’shilishi kutilmoqda. Shaharliklar bu hafta Filadelfiyada Vidad ACga qarshi o’yin oldidan Floridada mashg’ulot o’tkazadilar.

Bir nechta ingliz va nemis klublarining qiziqishiga qaramay, Lion uchun 185 ta o’yinda 29 ta gol urgan hujumchi Gvardiola bilan suhbatdan so’ng Sitini tanladi. Cherki Sitining yozgi mavsumdagi uchinchi transferi bo’ladi.

Qo’shilayotgan yana ikki o’yinchi:
* Volvesdan Rayan Ait-Nuri — o’tgan hafta oxirida tibbiy ko’rikdan o’tdi
* Milandan Tijjani Reijnders — 55 million yevroga kelishildi

Shu bilan birga, uchinchi darvozabon Skott Karson shartnomasi tugagach klubni tark etdi — u Siti bilan olti yil davomida atigi ikki marta maydonga tushgan.