Liverpool jamoasi a’zolari Diogo Jotaning fojiali o’limidan qayg’uda

Futbol dunyosi fojiali xabardan larzaga keldi — Diogo Jota va uning akasi André Silva Ispaniyaning Zamora shahri yaqinida avtohalokatda vafot etishdi. Politsiya ularning avtomobilda yolg’iz bo’lganliklarini tasdiqladi.

Dafn marosimi shanba kuni mahalliy vaqt bilan soat 10:00 da Portudan 33 kilometr masofada joylashgan Matriz de Gondomar cherkovida o’tkaziladi. Bunga qadar, juma kuni soat 16:00 da vidolashuv marosimi boshlanadi.

Liverpool kapitani Virgil van Dijk ijtimoiy tarmoqlar orqali o’z qayg’usini izhor etdi.

“Bunga ishonmayman va ishongim kelmayapti. U nafaqat ajoyib futbolchi, balki ajoyib oila insoni edi. Oilasi uchun ikki o’g’il, er va otadan ayrilish — bu tasavvur qilib bo’lmaydigan holat.”

Hozirda Ajaks jamoasida o’ynayotgan Liverpulning sobiq kapitani Jordan Henderson Anfield stadioni oldida gul qo’yish paytida ko’z yoshlarini tiya olmadi. Mohamed Salah va Trent Alexander-Arnold ham Jota haqidagi chuqur xotiralarini baham ko’rishdi.

Bir necha hafta oldin Rute Cardoso bilan turmush qurgan Jota ortidan uch farzandi — eng kichigi o’tgan yili tug’ilgan bolalari qoldi.