Liverpul Diogu Jota fojiasidan so’ng mashg’ulotlarga qaytmoqda

Chuqur qayg’uni boshdan kechirgan Liverpul kelasi seshanba kuni AXA mashg’ulot markazida Diogu Jota va uning ukasi Andre Silva bilan bog’liq fojiadan so’ng mavsumoldi tayyorgarligini qayta boshlashga tayyorlanmoqda.

Aka-uka o’tgan hafta Ispaniyaning shimoli-g’arbida avtohalokatda halok bo’lishgan. Liverpul bosh murabbiyi Arne Slot va asosiy tarkib futbolchilari Portugaliyaning Gondomar shahrida bo’lib o’tgan dafn marosimida ishtirok etishdi.

O’tgan juma kuni rejalashtirilgan mavsumoldi mashg’ulotlari ushbu fojiali hodisa tufayli keyinga qoldirilgan edi. Bu hafta oxirida Deepdale stadionida Preston bilan o’tkazilishi rejalashtirilgan o’rtoqlik o’yin hali noaniq qolmoqda.

“Bu tasavvur qilib bo’lmaydigan yo’qotish,” deya ta’kidlandi Liverpulning rasmiy bayonotida. Jamoa kapitani Virgil van Diyk esa “mutlaqo karaxt va ishonolmayapman” deya o’z munosabatini bildirdi.

Minglab muxlislar Jota va uning ukadiga hurmat belgisi sifatida Enfield stadioni tashqarisiga guldastalar va hamdardlik xabarlarini qo’yishmoqda.