Liverpool Diogo Jota fojiasidan so’ng mashg’ulotlarga qaytdi

ESPN xabar berishicha, Liverpool jamoasi hujumchi Diogo Jota va uning akasi André Silvaning Ispaniyadagi avtohalokatda vafot etganidan besh kun o’tib, AXA mashg’ulot markaziga qaytdi.

Fojia ular o’zlarining Lamborghini mashinasida Angliyaga ketayotgan paytda — avtomobil yo’ldan chiqib ketib, yonib ketishi oqibatida sodir bo’ldi. O’tgan hafta oxirida boshlanishi kerak bo’lgan mavsumoldi mashg’ulotlari ushbu hodisa tufayli keyinga qoldirilgan edi.

Arne Slot va asosiy tarkibning aksariyat o’yinchilari Portugaliyaning Gondomar shahrida aka-ukalarning dafn marosimida ishtirok etishdi. Mashg’ulotlarga qaytgach, futbolchilar klub madhiyasining so’zlari: “You’ll Never Walk Alone” yozilgan turli guldastalar bilan kutib olindi.

“Kechagacha, tanaffusdan so’ng Liverpulga qaytishdan meni qo’rqitadigan narsa bo’lishini hech o’ylamagan edim,” dedi Mohamed Salah. “Diogo biz qaytganda shu yerda bo’lmasligini qabul qilish juda qiyin bo’ladi.”

“Men mutlaqo tushkunlikka tushganman va bunga ishongim kelmayapti,” dedi kapitan Virgil van Dijk.

Bu hafta oxirida Preston North End bilan o’tkazilishi rejalashtirilgan do’stona o’yin hali noaniq qolmoqda.