Leyla Fernandes Anna Kalinskayani mag’lub etib, Vashingtondagi WTA-500 turniri chempioniga aylandi

Dunyoning 36-raketkasi, kanadalik tennischi Leyla Fernandes Vashingtonda (AQSh) WTA-500 turniri chempioniga aylandi. Finalda u rossiyalik Anna Kalinskayani (reytingda 48-o‘rin) 6:1, 6:2 hisobida mag‘lub etdi.

Uchrashuv 1 soat 9 daqiqa davom etdi. Uning davomida Fernandes ikki marta eyslarni bajardi, uchta qo’sh xato qildi va qo’lga kiritgan oltita breyk-poytning to’rttasini ochkoga aylantirdi. Kalinskaya bitta eys, ikkita qo’shaloq xatoga yo’l qo’ydi va to’plagan ikkita breykdan foydalana olmadi.

Leyla Fernandes uchun Vashingtondagi unvon uning faoliyatidagi to’rtinchi, birinchi “besh yuzlik” va mavsumning birinchisi bo’ldi. Yangilangan WTA reytingida Leyla 24-qatorga qaytadi. Anna Kalinskaya dunyoning 31-raketkasiga aylanadi.