La Liga prezidenti FIFAning yangi Klublar jahon kubogi formatini tanqid qildi

La Liga prezidenti Xaver Tebas AQShda o’tkaziladigan FIFAning yangi Klublar jahon kubogi formatiga nisbatan keskin tanqidini bildirdi.

“Bu butunlay mantiqsiz. Gap faqat futbolchilarning jismoniy charchashi haqida emas, balki Klublar jahon kubogi modeli butun milliy ligalar tizimiga, ayniqsa Yevropada ta’sir qiladi,” – dedi Tebas Cadena Cope radio intervyusida.

2025 yil 14 iyundan 13 iyulgacha rejalashtirilgan turnirda 32 ta jamoa ishtirok etadi — Ispaniya vakillari sifatida Real Madrid va Atletiko Madrid qatnashadi.

4-5-iyul kunlariga belgilangan chorak final jadvali avgust oyining o’rtalarida boshlanadigan La Liga tayyorgarligiga xalaqit berishi mumkin. Tebas ta’kidladicha — ikkala Madrid klubi uchun musobaqa boshlanishini kechiktirish bo’yicha qarorlar vaziyatga qarab qabul qilinadi.

La Liga prezidenti shuningdek, FIFAni har to’rt yilda o’tkaziladigan ushbu turnir bo’yicha milliy ligalar bilan maslahatlashmagani uchun tanqid qildi — xuddi 2022 yilgi Jahon kubogini qishga ko’chirish va 2026 yilgi Jahon kubogi formatini 48 jamoagacha kengaytirish kabi.