Juventus Kenan Yildizni saqlab qolish uchun yangi shartnoma tayyorlamoqda

Juventus yozgi transfer oynasida Premier-liga klublarining nishoniga aylangan iste’dodli yosh futbolchi Kenan Yildizning kelajagini ta’minlash uchun tezkor harakat qilmoqda.

20 yoshli turk futbolchisining 2024-2025 mavsumidagi — shu jumladan Klublar jahon chempionatidagi ajoyib o’yini Angliyaning yirik klublarining e’tiborini tortdi.

Chap qanot hujumchisini qidirayotgan Londonnning ikkita klubi — Arsenal va Chelsi Yildizga jiddiy qiziqish bildirmoqda. Rasmiy takliflar bo’lmasa-da, Juventus yosh iste’dodini yo’qotish xavfini olishni istamayapti.

Bianconeri endi o’zining asosiy o’yinchisi xizmatlarini saqlab qolish uchun maoshini uch baravargacha oshirish bilan yangi shartnoma taklif qilishni rejalashtirmoqda.