Joao Pedro Chelsini Jahon Klublari Kubogi finaliga olib chiqdi

Chelsea MetLife stadionida Fluminenseni 2:0 hisobi bilan mag’lub etib, 2025-yilgi Jahon Klublari Kubogi finaliga yo’l oldi.

“Ko’klar”ning yozgi transferi Joao Pedro — Fluminensening sobiq tarbiyalanuvchisi — jamoasi uchun ikkita g’alaba golini urib, ajoyib o’yin namoyish etdi.

Chelsea o’yinning boshidanoq ustunlikni qo’lga oldi. Marc Cucurella to’qqizinchi daqiqada bosh zarba bilan hisobni ochishga yaqin keldi — ammo raqib darvozaboni to’pni qaytarishga ulgurdi. Uch daqiqadan so’ng, Enzo Fernandezning urinishi ham Fluminense himoyachilari tomonidan to’xtatildi.

Chelsining bosimi 18-daqiqada natija berdi — Joao Pedro jarima maydonidan tashqaridan aniq zarba berdi. Fluminense 36-daqiqada penalti huquqini qo’lga kiritdi — ammo hakam VAR ko’rigidan so’ng bu qarorni bekor qildi.