Isak sagasi yakunlandi

Yozning eng shov-shuvli transfer voqealaridan biri yakuniga yetdi: hujumchi Aleksandr Isak “Nyukasl“dan “Liverpul“ga Britaniya futboli tarixidagi rekord summa – 125 million funt sterling evaziga o‘tdi. Bu summa bonuslar hisobiga 130 million funtgacha ko‘tarilishi mumkin. Shvetsiyalik forvardning shartnomasi 6 yilga mo‘ljallangan.

Bitim uzoq muzokaralardan so‘ng transfer oynasining so‘nggi kunida yakunlandi. Isakni Liverpulda tibbiy ko‘rikdan o‘tayotganini ko‘rishdi va kechqurun klub uni rasman sotib olganini e’lon qildi.

Bu transfer nafaqat “Liverpul” uchun, balki butun Premer-liga uchun ham rekord bo‘ldi va avvalgi narx rekordlarini ortda qoldirdi. Klub rahbariyati Isakning Arne Slot uzoq muddatli loyihasidagi muhim o‘yinchi ekanligini va uning kelishi jamoaning hujum liniyasini sezilarli darajada kuchaytirishini ta’kidladi.

Aleksandr Isak “Nyukasl“da uch mavsum o‘ynab, 50 dan ortiq gol urdi va jamoaning asosiy yulduzlaridan biriga aylandi. Endi u karyerasining yangi etapiga – Premer-liga va Chempionlar ligasida g‘oliblikka da’vogarlik qilayotgan klubga o‘tishga tayyor.