Imana Halif diskvalifikatsiyadan keyin CASga apellyatsiya berdi

Jazoir olimpiya chempioni Imana Halif Arbitraj sport sudiga (CAS) World Boxing qaroriga qarshi da’vo arizasi bilan murojaat qildi. Mazkur qaror jinsni tasdiqlash uchun majburiy genetik test o‘tkazilmaguncha uni musobaqalarda qatnashish huquqidan mahrum etgan edi.

2025-yil aprel oyidan boshlab World Boxing yangi qoidani joriy etdi: ayollar toifasidagi barcha sportchilar Y xromosomasining yo‘qligini tasdiqlashlari shart. Olimpiya oltin medaliga ega bo‘lgan Halif sinovdan o‘tishni rad etgani sababli Eyndxovendagi turnir va boshqa rasmiy musobaqalardan chetlashtirildi.

Halif o‘z apellyatsiyasida taqiqni bekor qilishni va genetik testdan o‘tmasdan boks bo‘yicha bo‘lajak jahon chempionatida ishtirok etish huquqini tasdiqlashni talab qilmoqda. Biroq, CAS allaqachon uning sud jarayoni yakunlangunga qadar qarorni to‘xtatib turish to‘g‘risidagi iltimosini rad etdi – bu ishtirok etish taqiqi o‘z kuchida qolishini anglatadi.

Bu holat keng rezonansga sabab bo’ldi: ko‘pchilik sportchilardan bunday testlarni talab qilish qanchalik axloqiy ekanligini va shov-shuvli qarordan so‘ng kikboksni nima kutayotganini so‘ramoqda.