29.08.2025
O'qish vaqti: 1 min

Iga Shvyontek ishonchli yurishini davom ettirmoqda

Iga Shvyontek ishonchli yurishini davom ettirmoqda

2-raqamli Iga Shvyontek, Syuzan Lamensni 6:1, 4:6, 6:4 hisobida mag‘lub etib, AQSh Ochiq chempionatining ikkinchi bosqichidan muvaffaqiyatli o‘tdi.

Shvyontek o‘yinni kuchli boshladi – birinchi set ishonchli o‘tdi, raqibi deyarli javob qaytarishga ulgurmadi. Biroq, ikkinchi setda Lamens kutilmaganda o‘yinini yaxshilab, Polshalik chempionning ritmini buzishga erishdi va setni yutdi. Uchinchi set haqiqiy asab sinoviga aylandi – Shvyontek hisobda ortda qoldi, ammo vaziyatni o‘zgartirib, g‘alabani qo‘lga kiritishga muvaffaq bo‘ldi.

O‘z formasini saqlab qolgan Iga uchinchi bosqichda Anna Kalinskaya bilan to‘qnashadi. O‘yin yakunida u xarakter va tajribasini namoyish etdi, aynan shu narsa unga o‘yin qil ustida turganida oldinga chiqishga yordam berdi.