Garet Beyl: Dembele bu mavsumda Oltin to’pga munosib

Real Madridning sobiq futbolchisi Garet Beyl Pari Sen-Jermenning yulduzi Usmon Dembeleni bu mavsumda Oltin to’pning yetakchi nomzodi deb atadi.

Dembele tarkibidagi PSJ bu hafta oxirida FIFA Klublar jahon kubogi finalida Chelsi bilan to’qnashadi — ajoyib mavsumni yana bir nufuzli sovrini bilan boyitadi. Fransuz klubi allaqachon Liga 1 va Myunxenda Inter Milanni 5:0 hisobida mag’lub etib, o’zining birinchi Chempionlar ligasi titulini qo’lga kiritgan.

Dembele barcha musobaqalarda 53 ta o’yinda 35 gol va 16 ta golli uzatma bilan mavsumda ajoyib natija ko’rsatdi.

“Menimcha, jamoalar nimaga erishganini ham ko’rib chiqish kerak. Hamma individual yutuqlar haqida gapiradi, lekin agar siz bu sovrinlarni, Chempionlar ligasini, ichki uch karralikni va ehtimol Klublar jahon kubogini yutayotgan bo’lsangiz, boshqa hech kim bunga teng kelolmaydi,” deya Beyl ESPN’ga aytib o’tdi.

PSJ shuningdek, bu mavsumda Fransiya kubogi va Chempionlar superkubogini ham qo’lga kiritdi — murabbiy Luis Enrike qo’l ostida barcha mavjud sovrinlarni yutishga bir qadam qoldi.