FIFA FIFPRO asosiy o’yinchilar uyushmasini taklif qilmasdan yig’ilish o’tkazdi

ESPN manbalariga ko’ra, Jahon Futbol Federatsiyasi (FIFA) Nyu-Yorkda 66 ming professional futbolchini birlashtirgan global o’yinchilar uyushmasi FIFPROni taklif qilmasdan sammit o’tkazdi.

FIFA prezidenti Gianni Infantino majburiy dam olish davrlari va o’yinchilar farovonligi bo’yicha “konsensus”ga erishilganini e’lon qildi — ammo yig’ilishda FIFPRO va Professional Futbolchilar Assotsiatsiyasi (PFA) ishtirok etmadi.

Ushbu uchrashuv keskinlik ortib borayotgan bir paytda sodir bo’ldi — FIFPRO FIFAdan o’yinchilar uyushmalari bilan, ayniqsa bu yozgi 32 jamoali Klublar Jahon Chempionati bo’yicha faolroq maslahatlashishni talab qilmoqda.

• Evropa o’yinchilar uyushmasi bir yil oldin Evropa Ittifoqiga huquqiy shikoyat kiritdi
• FIFA futbolda o’z hukmron mavqeini suiiste’mol qilishda ayblanmoqda
• Xalqaro o’yinlar taqvimi tegishli maslahatlarshuvlarsiz kengaytirildi

Manbalarga ko’ra, Infantino bilan uchrashuvda ishtirok etgan o’yinchilar vakillari FIFPROdan chetlashtirilgan milliy uyushmalar vakillari bo’lgan. Yetakchi o’yinchilar vakillari FIFAning bayonotini “jiddiy kamchiliklarga ega” deb hisoblashadi va erishilgan kelishuvlar yuridik kuchga ega emas.