Kristian Moskera Arsenalga qo’shilish uchun Singapurga yo’l oldi

ESPN manbalariga ko’ra, Kristian Moskera klub Valensiya bilan kelishuvni yakunlaganidan so’ng, Arsenalning mavsumoldi tayyorgarlik mashg’ulotlariga qo’shilish uchun Singapurga yo’l oldi.

Transfer summasi aniq aytilmagan bo’lsa-da, manbalar kelishuv qo’shimcha bonuslar bilan 17 million funt sterlingni tashkil etishini ma’lum qildi — yosh himoyachi chorshanba kuni AS Milanga qarshi o’tkaziladigan ilk o’rtoqlik uchrashuvidan oldin Osiyoga yetib keladi.

21 yoshli himoyachi — Valensiya safida 90 ta o’yin o’tkazgan va Ispaniya U-21 termasida o’ynagan — Uilliam Saliba va Gabriel Magalaes juftligiga zaxira bo’ladi.

Moskera Arsenalning yozgi mavsumdagi beshinchi transferi bo’ldi:

• Martin Zubimendi
• Noni Madueke
• Kristian Norgard
• Kepa Arrizabalaga

Klubning umumiy transfer xarajatlari 140 million funt sterlingga yetdi, Sporting Lissabon hujumchisi Viktor Dyokeresh bo’yicha muzokaralar davom etmoqda.