Chempionlar Ligasi 1-tur taqvimi e’lon qilindi: yulduzli o‘yinlar va kutilgan debyutlar

UEFA Chempionlar Ligasi 2025/26 mavsumining birinchi tur o‘yinlari taqvimini e’lon qildi. Endi barcha uchrashuvlar Toshkent vaqti bilan quyidagicha belgilanadi.

16-sentabr kuni soat 21:45 da “Atletik Bilbao” — “Arsenal” va “PSV Eyndxoven” — “Union Sen-Jiluaz” o‘yinlari boshlanadi. Kechki dastur esa soat 00:00 da “Yuventus” — “Borussiya Dortmund”, “Real Madrid” — “Marsel”, “Benfika” — “Qaraboğ” hamda “Tottenhem” — “Vilyarreal” o‘yinlari bilan davom etadi.

17-sentabr kuni 21:45 da “Olimpiakos” — “Pafos” hamda “Slaviya Praga” — “Bude-Glimt” uchrashuvlari bo‘lib o‘tadi. Soat 00:00 da esa kunning markaziy o‘yinlari — “Bavariya” — “Chelsi”, “Liverpul” — “Atletiko Madrid”, “PSJ” — “Atalanta” va “Ayaks” — “Inter” uchrashuvlari o‘tkaziladi.

18-sentabr kuni 21:45 da “Bryugge” — “Monako” va “Kopengagen” — “Bayer Leverkuzen” bahslari boshlanadi. Kech soat 00:00 da “Ayntraxt Frankfurt” — “Galatasaroy”, “Manchester Siti” — “Napoli”, “Nyukasl Yunayted” — “Barselona” va “Sporting” — “Qayrat” uchrashuvlari bo‘lib o‘tadi.

Birinchi tur “Qayrat”ning tarixiy debyuti, shuningdek “Bavariya” — “Chelsi” va “Liverpul” — “Atletiko Madrid” kabi yirik bahslar bilan futbol muxlislariga unutilmas tonglar va’dasini bermoqda.