Chelsea PSGni yengib, 2025 FIFA Klublar Jahon Kubogini qo’lga kiritdi

Chelsea AQSHning MetLife stadionida 2025 FIFA Klublar Jahon Kubogi finalida Paris Sen-Jermen (PSG)ni mag’lub etib, ajoyib yutuqqa erishdi.

G’arbiy London jamoasi — o’yindan oldin favorit bo’lmagan — PSGni 3:0 hisobida ishonchli mag’lub etishga muvaffaq bo’ldi. Koul Palmer ikki gol urib, o’yin yulduzi bo’ldi, Joau Pedro esa yana bir golni qo’shdi.

Bu Chelsea uchun Klublar Jahon Kubogidagi ikkinchi titul — ular birinchi marta 2021 yilda g’olib bo’lishgan edi. Qiziq tomoni shundaki, finalda mag’lub bo’lishiga qaramay, PSG allaqachon turnirning 2029 yilgi nasxasiga yo’llanmani qo’lga kiritgan.