Chelsi Manchester Yunayteddagi Garnacho vaziyatini kuzatmoqda

ESPN xabar berishicha, Chelsi Alexandro Garnachoning Manchester Yunayteddagi vaziyatini kuzatmoqda — biroq transfer The Blues bir necha o’yinchini sotishiga bog’liq.

Manchester Yunayted Garnachoning transfer narxini 70 million funtdan 40 million funtgacha tushirgan, ammo Chelsi jiddiy muzokaralar boshlashdan oldin Kristopher Nkunku va Nikolas Jeksonni sotishi kerak.

Garnacho Antony, Tyrell Malasia va Jadon Sancho bilan birga Manchester Yunaytedning AQSHga mavsumoldi turida ishtirok etmaydi — bu murabbiy Ruben Amorim rejalarida yo’qligini ko’rsatadi.

• Aston Villa jiddiy qiziqish bildirmoqda
• Bir nechta Saudiya Pro-liga klublari vaziyatni kuzatmoqda
• Chelsi yanvar transfer oynasida harakat qilib ko’rgan

Unai Emery Garnachoni Aston Villa o’yin uslubiga mos deb hisoblasa-da, futbolchi Chempionlar Ligasida o’ynaydigan klub va Premier-ligada qolishni afzal ko’rmoqda.