Bezzecchi Sprint Race oxirgi aylanishida Sachsenring Qirolining hujumini to’xtata olmadi

Sachsenring trassasida bo’lib o’tgan Germaniya MotoGP 2025 Sprint Race musobaqasining aksariyat qismida peshqadamlik qilgan Aprilia Racing jamoasi haydovchisi Marco Bezzecchi oxirgi aylanishda Sachsenring Qiroliga yo’l berishi kerak bo’ldi.

Uchinchi pozitsiyadan startni boshlagan Bezzecchi, pole sitter Marc Marquez birinchi burilishda keng chiqib ketganidan so’ng peshqadamlikni qo’lga kiritdi. Biroq, bu ustunlik oxirigacha saqlanib qolmadi — turli klasslarda Germaniya GP musobaqasida 11 marta g’alaba qozongan Marquez hal qiluvchi hujumni amalga oshirdi.

“Men xursandman, bu ajoyib poyga bo’ldi, agar u bir aylanishga qisqaroq bo’lganida, men yanada xursandroq bo’lardim,” dedi Bezzecchi GPone.com saytiga.

“Oxir-oqibat, Marc juda kuchli keldi va men buni taxminan kutgan edim. Pit taxtasida oraliq masofaning qisqarayotganini ko’rganimda, uni meni quvib yetmasligi uchun iloji boricha kuchliroq harakatlanishim kerakligini tushundim.”