Arsenal Viktor Dyokereshsiz Osiyo mavsumoldi turiga jo’nab ketdi

Arsenal Osiyo mavsumoldi safarini Viktor Dyokereshsiz — Sporting CP bilan transfer muzokaralari davom etayotgan hujumchisiz boshladi. Shimoliy London jamoasi ikki haftalik turni boshlash uchun Singapurga yo’l oldi.

ESPN xabar berishicha, Arsenal Dyokeresh uchun dastlabki 63 million evro va qo’shimcha 10 million evro bonus to’lashga rozi bo’lgan, ammo aniq shartlar hali muhokama qilinmoqda.

30 kishilik safar tarkibiga bir necha yangi transferlar kiritilgan:

• Kepa Arrizabalaga
• Martin Zubimendi
• Kristian Norgaard

Kecha Chelsidan qo’shilgan Noni Madueke sobiq jamoasi bilan Klublar jahon kubogida qatnashgani uchun safarga qo’shilmadi. Shuningdek, Gabriel Jesus ham bu yil boshida o’tkazgan tizza operatsiyasidan so’ng safarda yo’q.

Arsenal Singapurda AS Milan va Nyukasl Yunayted bilan o’ynaydi, so’ngra mavsumoldi turini yakunlash uchun Gonkongda Tottenham Hotspur bilan uchrashadi.