Arsenal Viktor Gyökeresni 60 million yevroga sotib olishga yaqin

ESPN xabar berishicha, Arsenal Sporting CP hujumchisi Viktor Gyökeresni transfer qilishga qaror qildi — 60 million yevro va 10 million yevro bonus evaziga muzokaralar jadal olib borilmoqda.

Arsenalning sport direktori Andrea Berta o’yinchining agenti Hasan Cetinkaya va klub bilan muzokara olib borish uchun Lissabonga bir necha bor tashrif buyurgan. Sporting prezidenti Frederico Varandas 75 million yevrodan ko’proq talab qilayotgan bo’lsa-da, Londonliklar kelishuvga erishishga ishonishmoqda.

Arsenal transferni jamoaning iyul oyida Janubi-Sharqiy Osiyoga bo’ladigan safari oldidan yakunlashni rejalashtirmoqda. Muqobil variant sifatida klub Real Madridning Rodrygosini ham ko’rib chiqmoqda — garchi bu transfer murakkabroq hisoblanadi.

Shu bilan birga, Chelsining Noni Maduekesi ham Arsenalning radar ostida, ammo klub 23 yoshli o’yinchiga to’liq ishonmayapti. Chelsea Joao Pedro va Jamie Gittensning kelishidan so’ng Madukeni qo’yib yuborishga tayyor.