Angliya o’toqlik o’yinida Senegalga mag’lubiyatga uchradi

Nottingemdagi City Ground stadionidan kelgan xabarlarga ko’ra, Tomas Tuxel jamoasining Senegalga 1:3 hisobida mag’lub bo’lgan o’rtoqlik uchrashuvida past darajada o’yin ko’rsatganini tan oldi.

Harri Keyn yettinchi daqiqada hisobni ochgan bo’lsa-da, Senegal Ismaila Sarr, Xabib Diarra va Sheyx Sabali gollari bilan javob qaytardi — Afrika jamoalari orasida birinchi bo’lib Angliyani mag’lub etish tarixini yozdi.

Oldingi o’yindan 10 ta o’zgarish kiritilganidan so’ng, Tuxel jamoasining o’yini muxlislar tomonidan tanqidga uchradi. Jud Bellingemning o’yin yakunidagi goli Levi Kolvillning qo’l bilan o’ynagani tufayli VAR tomonidan bekor qilindi.

“Jamoa muzlab qolganday, butun o’yin davomida yetarlicha faol emas edi. Lekin bu shunchaki sinov o’yini, vahimaga tushishning hojati yo’q. Saralashda to’qqiz ochko to’pladik va gol o’tkazmadik,” dedi Tuxel.

51 yoshli murabbiy jamoa o’yinini yaxshilash uchun Jahon chempionatiga hali bir yil borligini ta’kidladi — shu bilan birga Garet Sautgeyt davridan meros qolgan yarim final va finallar yutuqlaridan keyin yuksak kutishlar o’yinchilarga alohida bosim o’tkazayotganini tan oldi.