Anchelotti Braziliyani o’zining shonli davri Real Madridi kabi o’ynashini istayapti

Braziliya milliy jamoasining yangi bosh murabbiyi Karlo Anchelotti — La Liga va Chempionlar Ligasini qo’lga kiritgan Real Madridning 2023-24 yilgi o’yin uslubini joriy etish rejalarini ma’lum qildi.

Italiyalik murabbiy Madrid bilan muvaffaqiyatsiz mavsumdan so’ng jamoani tark etdi. “Natijalar va jamoaning o’yini kutilganidek bo’lmadi — bunday holatlar yuz berishi mumkin,” deya ta’kidladi u.

“Braziliya Real Madrid kabi o’ynaydi, bu yilgi emas, balki o’tgan yilgi Madrid kabi. Men shuni xohlayman,” dedi Anchelotti.

Braziliya 2002 yildan beri Jahon chempioni bo’lmagan bo’lsa-da, Anchelotti jamoaning salohiyatiga ishonch bildirmoqda.

“Bu dunyodagi eng yaxshi milliy jamoa — formasidagi beshta yulduz buning isboti. Hech qaysi milliy jamoa ularga teng kelolmaydi. Endi mening vazifam oltinchisini qo’lga kiritish.”

Madridda birga ishlagan Vinisius Junior haqida gapirar ekan, Anchelotti “Oltin to’p” mukofoti sovrindorining fidoyiligini maqtadi:

“U g’ayritabiiy, ajoyib, mehnatsevar va haqiqiy kurashchi. Ishonchim komilki, u milliy jamoa uchun eng yaxshi o’yinini ko’rsatadi. U dunyoning eng yaxshi futbolchilaridan biri.”