Alen Prost Oskar Piastrining karyerasidagi muhim rolini oshkor qildi

Gudvud uyi balkonidan so’zlashgan Alen Prost 2025-yilgi Formula 1 chempionatida peshqadamlik qilayotgan Oskar Piastri karyerasidagi muhim rolini oshkor qildi.

70 yoshli F1 afsonasi Karun Chandxokka Piastrini Alpine Akademiyasiga jalb qilish uchun Renaultni qanday ishontirganini aytib berdi. “Uning iste’dodini Formula 3, hatto Formula 4 davridan kuzatganman,” dedi Alpinening sobiq ijrochi bo’lmagan direktori.

“Men Oskarni yaxshiroq bilaman, chunki uni akademiyaga olib kelish uchun Renaultni men majburlaganman. Ular buni xohlamasdi,” deb tushuntirdi Prost.

Prost o’zi bilan Piastri o’rtasida o’xshashliklarni — ayniqsa, aqlli quvib o’tish strategiyalari borasida ko’rmoqda. Hozirda, avstraliyalik McLaren haydovchisi 12 ta poygadan so’ng jamoadoshi Lendo Norrisdan sakkiz ochko oldinda.

McLaren Racing bosh direktori Zak Braun Kanadada to’qnashuv hodisasi yuz berganiga qaramay, har ikkala haydovchiga erkin musobaqa qilish imkonini bermoqda.

“Qoidalar bir xil — qattiq poyga, toza poyga va jamoa uchun iloji boricha ko’proq ochko to’plash. Kim oldinda bo’lishini ular hal qilsin,” deb ta’kidladi Braun.