Al Hilol klublar jahon chempionati oldidan Bruno Fernandesh uchun katta taklif tayyorlamoqda

ESPN xabar berishicha, Al Hilol kelgusi oyda AQShda bo’lib o’tadigan klublar o’rtasida o’tadigan jahon chempionati oldidan Bruno Fernandeshni Manchester Yunayteddan transfer qilish ustida ishlamoqda.

Saudiya Pro-ligasi klubi Liverpul bilan shartnomani uzaytirgan Muhammad Salohni olish imkoniyati bo’lmagach, portugaliyalik yarim himoyachiga e’tiborini qaratdi.

Manchester Yunayted va murabbiy Ruben Amorim Fernandesh sotilmasligini ta’kidlashiga qaramay, Al Hilol £100 million atrofidagi katta taklif Yevropa musobaqalariga chiqa olmagan ingliz klubining qarorini o’zgartirishi mumkin deb hisoblaydi.

Hozirda Yunayted Volvzdan Mateus Kunyaning £62.5 million qiymatidagi transfer bandini faollashtirish bo’yicha kelishuvga erishdi, ammo Chempionlar Ligasi tufayli Chelsini tanlagan Liam Delapni olishga muvaffaq bo’lmadi.