Real Madrid bosh murabbiyi Alonso: Yamal juda o’sdi va Barselona uchun muhim o’yinchi

“Real Madrid” bosh murabbiyi Xabi Alonso matbuot anjumanida “Barselona” vingeri Lamin Yamal haqidagi savolga kinoyali javob berdi.

– Yamal ostidagi ulkan bosim haqida nima deb o’ylaysiz?

– Bilmayman, menda bosim o’lchagich yo’q. Lekin har holda, Lamin bu qisqa vaqt ichida ancha o’sdi va allaqachon “Barselona” uchun ham, [Ispaniya] terma jamoasi uchun muhim futbolchi. Va u bilan uchrashish vaqti keladi – keyin ko’ramiz, – deya Alonso so’zlarini keltiradi AS.

O’tgan mavsumda Yamal barcha turnirlarda 55 ta o’yinda qatnashib, 18 ta gol urdi va 25 ta golli uzatmani amalga oshirdi. Ko‘k-anorrangli hujumchi “Oltin to‘p” – 2025 sovriniga da’vogarlar ro‘yxatiga kiritilgan.