Saudiya Arabistonida bo’lib o’tadigan Six Kings Slam ko’rgazma turniri ishtirokchilari ro’yxati e’lon qilindi

Saudiya Arabistonida har yili o‘tkaziladigan olti nafar tennischi ishtirokidagi an’anaviy ko‘rgazmali turnir – Six Kings Slam musobaqasi ishtirokchilari ro‘yxati aniqlandi.

Bu yil turnirda ATP reytingining eng yaxshi oltitasi qatnashadi:

Yannik Sinner (Italiya);
Karlos Alkaras (Ispaniya);
Aleksandr Zverev (Germaniya);
Teylor Fritz (AQSh);
Jek Draper (Buyuk Britaniya);
Novak Jokovich (Serbiya).

“Qirollar qaytib kelishdi” deb yozdi Saudiya Arabistonidan sport targ‘ibotchisi va rivojlanish tadbirlarni tashkil etish bosh boshqarmasi raisi Turki Al-Alshih o‘z akkauntida.

Eslatib o’tamiz, o’tgan yili rekord darajadagi mukofot jamg’armasi 6 million dollarni tashkil qiluvchi Six Kings Slam turnirida italiyalik Yannik Sinner g’olib chiqqan edi. Uchinchi o‘rin uchun kechgan bahsda Jokovich Nadaldan 6:2, 7:6 hisobida ustun keldi.

Bu yil turnir Ar-Riyodda 15-18 oktyabr kunlari bo’lib o’tadi.