Real Madrid Rodrygoni Man Sitining Rodriga almashtirmoqchi

Real Madrid yozgi transfer oynasida dadil qadam tashlashni rejalashtirmoqda — Rodrygo Goesni Manchester Sitining yarim himoyachisi Rodriga almashtirish.

Los Blancos to’rtta yangi transferni amalga oshirgan bo’lsa-da — jamoa tarkibidan to’liq qoniqmagan. Murabbiy Xabi Alonso markaziy chiziqni kuchaytirish uchun yana bir universal yarim himoyachini xohlamoqda.

Madridning yarim himoya chizig’idagi zaiflik Jahon klublar kubogida PSJdan 0:4 hisobida mag’lub bo’lganida yaqqol ko’rindi. Toni Kroos qoldirgan bo’shliqni to’ldirish harakatlari hamon natija bermayapti.

Martin Zubimendini olish rejasi amalga oshmagan Madrid endi e’tiborini asosiy maqsad sifatida Rodriga qaratdi. Ispaniya poytaxt klubi Sitining asosiy yarim himoyachisini qo’lga kiritish uchun ikki o’yinchini almashinuv paketiga kiritishga tayyor.