Bagnaia MotoGP unvonini ketma-ket ikkinchi marta boy berish arafasida

Bolasport.com xabar berishicha, Francesco Bagnaia MotoGP 2025 jahon chempioni unvonini himoya qilishda jiddiy muammolarga duch kelmoqda. Ducati Lenovo haydovchisi hozirda jamoadoshi — Marc Marquezdan 168 ochko orqada qolmoqda.

Bagnaianing bu mavsumda ko’rsatayotgan natijasi Desmosedici GP25 mashinasida hukmronlik qilayotgan Marquezdan ancha orqada. Italiyalik haydovchi atigi bitta g’alabaga erishgan bo’lsa, Marquez 24 ta Sprint va GP poygalaridan 19 tasida g’olib bo’lgan.

O’tgan hafta Brno trassasida bo’lib o’tgan Chexiya MotoGP bosqichida vaziyat yanada yomonlashdi. Pol-pozitsiyani qo’lga kiritishiga qaramay, Bagnaia Sprint poygasida yettinchi, asosiy poygada to’rtinchi o’rinni egalladi.

Bu Bagnaia uchun ketma-ket ikkinchi mavsumki, jahon chempionligini boshqa Ducati haydovchisiga boy berish xavfi mavjud — o’tgan yili u Pramac Racing jamoasi a’zosi Jorge Martin bilan oxirgi bosqichgacha kurashgan edi.