Barselona Manchester Yunayted hujumchisi Markus Reshfordni ijaraga olishga kelishib oldi

Transfer eksperti Fabrizio Romanoning xabar berishicha, Manchester Yunaytedning hujumchisi Markus Reshford kelasi yozgi mavsumda Barselonaga ijara asosida o’tadi.

Barselona 30 million yevrolik doimiy sotib olish opsiyasi bilan kelishuvga erishdi — bu ingliz milliy terma jamoasi a’zosining karyerasida muhim o’zgarishni anglatadi.

Kelishuvga ko’ra, Reshford Barselonada maoshining 15 foizini kamaytirishga rozi bo’ldi — Manchester Yunayted esa ijara davrida uning maoshini to’lamaydi.

Transfer jarayoni kelasi dushanba kuni Barselonada o’tkaziladigan tibbiy ko’rikdan so’ng yakuniga yetkaziladi.