Muhammad Saloh eng yaxshi murabbiysini ma’lum qildi – bu Klopp emas

Muhammad Saloh Yurgen Klopp bilan Liverpulda 349 ta o’yin va 211 ta gol urib, katta yutuqlarga erishgan bo’lsa-da, nemis murabbiyni eng yaxshi murabbiysi emasligini aytib, ko’pchilikni hayratda qoldirdi.

Misr milliy terma jamoasi hujumchisi Luchano Spallettini o’z karyerasidagi eng yaxshi murabbiy deb atadi — u Salohning dastlabki rivojlanish davrida muhim ta’sir ko’rsatgan shaxs.

“Spalletti men uchun eng yaxshi murabbiy bo’lgan. Men uning qo’l ostida ham taktik, ham ruhiy jihatdan juda yaxshi rivojlandim,” deya Tuttomercatoga ta’kidladi Saloh.

“U menga o’z iste’dodimni namoyish etish va futbolchi sifatida o’sish imkoniyatini berdi,” deya qo’shimcha qildi Chelsining sobiq futbolchisi.