Toto Volf Lyuis Hamilton bilan Ferrariga o’tganidan keyin ham yaqin munosabatlarini ochib berdi

Wall Street Journal xabar berishicha, Mercedes jamoasi rahbari Toto Volf Lyuis Hamilton Ferrariga o’tishga qaror qilganidan keyin do’stligini qanday saqlab qolganini aytib berdi.

Volf vaziyat “deyarli dushmanlik” darajasiga yetishi mumkin edi — lekin ikki tomon ham yaxshi munosabatlarni saqlab qolish uchun harakat qildi. Hamilton hamon poyga hafta oxirlarida Mercedes garajiga tez-tez tashrif buyuradi va muhandislar bilan suhbatlashadi.

“U ketishga qaror qilganda, vaziyatni noqulay qilmaslik uchun faol muhokama qildik. Hammamiz bir-birimizni tushunishga harakat qildik,” deb tushuntirdi Volf.

Ferrari va Mercedes konstruktorlar turnirida ikkinchi va uchinchi o’rinlar uchun atigi 12 ochko farq bilan keskin kurash olib borayotganiga qaramay, Volf Hamilton bilan do’stligi buzilmaganini ta’kidladi. Ular ko’pincha poygadan keyin Jorj Rassel va Valteri Bottas bilan birga sayohat qilishadi.

“Trekda biz uni yengishni xohlaymiz. Lekin 12 yillik munosabatdan keyin biz bir-birimizga ishonamiz,” deb qo’shimcha qildi Volf.

Hozirda Hamilton haydovchilar chempionatida 103 ochko bilan oltinchi o’rinda — chempionat yetakchisi Oskar Piastridan 131 ochko va jamoadoshi Sharl Leklerkdan 16 ochko orqada.