Barselona Marcus Rashfordni transfer qilish bo’yicha Man United bilan kelishuvga erishdi

Italiyalik transfer eksperti Fabrizio Romanoning ma’lum qilishicha, Marcus Rashford yozgi transfer oynasida doimiy sotib olish opsiyasi bilan ijara kelishuvi orqali Manchester Uniteddan Barselonaga o’tadi.

Angliya milliy terma jamoasi hujumchisi — yanvar oyidan beri Kamp Nouga o’tishga qiziqish bildirgan — kelgusi hafta Barselonada tibbiy ko’rikdan o’tadi.

“Here We go! Barselona Man Uniteddan Marcus Rashfordni ijaraga olish bo’yicha kelishuvga erishdi,” deya yozdi Romano ijtimoiy tarmoqlarda.

Ikki klub og’zaki kelishuvga erishgan bo’lsa-da, futbolchi maoshi tafsilotlari va doimiy sotib olish opsiyasi to’lovi shartlari bo’yicha muzokaralar davom etmoqda.