Arsenal Chelsidan Noni Maduekeni 48 million funtga transfer qildi

Noni Madueke shahar raqibi Chelsidan Arsenalga 48 million funt asosiy va 4 million funt qo’shimcha to’lov evaziga o’tdi, bu haqda ikki klub tasdiqladi.

23 yoshli qanotchi — o’tgan mavsumda barcha turnirlarida 46 ta o’yinda 11 ta gol urgan bo’lib, Topchilar bilan 5 yillik shartnoma imzoladi.

“Men juda xursand va faxrlanaman, bu men uchun ajoyib lahza. Uyga, onam va otamning yoniga qaytish ajoyib. Bilaman, onam meni uyda sog’ingan,” deya ta’kidladi Madueke.

Arsenal bosh murabbiyi Mikel Arteta — ingliz milliy terma jamoasi a’zosiga bo’lgan hurmatini bildirdi:

“Atigi 23 yoshida, Noni allaqachon klub va xalqaro futbolda tajribaga ega, hamda Premier-ligani juda yaxshi biladi. So’nggi mavsumlarida uning o’yin sifatini yaqindan ko’rib, biz uning bizga qo’shilishidan juda xursandmiz.”

Yangi sport direktori Andrea Berta — Maduekening dinamik, ko’p qirrali qanotchi ekanligi va kuchli texnik mahorati jamoani sezilarli darajada kuchaytirishi haqida ta’kidladi.