Liverpool Hugo Ekitike uchun Frankfurt bilan muzokaralarni boshladi

Liverpool Eintracht Frankfurt bilan hujumchi Hugo Ekitikeni transfer qilish bo’yicha muzokaralarni boshladi — Bundesliga klubi fransuz futbolchisi uchun 80-90 million evro narx belgilagan.

Qizillar hujum chizig’ini kuchaytirish uchun turli variantlarni ko’rib chiqmoqda — bu vaziyat Darwin Nunyesning kelajagi noaniq bo’lgan bir paytda yuzaga keldi. Kecha Liverpool Luis Dias uchun Bayern Myunxenning 67,5 million evrolik taklifini rad etdi.

Ekitikeni nishonga olishdan oldin, Liverpool Nyukasl Yunayted hujumchisi Aleksandr Isakning mavjudligini so’ragan — ammo rad javobini olgandan so’ng rasmiy taklif bermagan. Manchester Yunayted ham Ekitikega qiziqish bildirmoqda, ammo hujumchi Enfildga o’tishni afzal ko’rmoqda.

Ekitike o’tgan mavsumda Frankfurt safida muvaffaqiyatli o’yin ko’rsatib, Pari Sen-Jermendan bir yil oldin o’tganidan beri barcha musobaqalarda 22 gol va 12 assist qayd etgan.